Bakıda zəncirvari yol qəzası olub, bir nəfər ölüb, dörd nəfər xəsarət alıb - YENİLƏNİB

Paytaxtın Ziya Bünyadov prospektində ağır yol-nəqliyyat  hadisəsi olub, bir nəfər ölüb, dörd nəfər müxtəlif dərəcəli bədən xəsarəti alıb.

Bu barədə "Report"a Baş DYP İdarəsinin şöbə rəisi, polis mayoru Rövşən Tağıyev bildirib.

Hadisə bu gün saat 22:00 radələrində qeydə alınıb.

Faktla bağlı araşdırma aparılır.

21:34

Bakıda zəncirvari yol qəzası olub, ölən və yaralananlar var.

"Report" xəbər verir ki, hadisə Ziya Bünyadov prospektində qeydə alınıb.

Məlumata görə, qəza zamanı altı minik avtomobili toqquşub.

Hadisə yerinə FHN-in xilasediciləri və təcili tibbi yardım briqadası cəlb olunub.