Bakıda qadın dələduzluğa məruz qalıb, 27 min manatdan çox vəsaiti ələ keçirilib

Bakının Binəqədi rayonunda qadın naməlum şəxs tərəfindən aldadılıb.

Bu barədə "Report"a Daxili İşlər Nazirliyindən məlumat verilib.

Bildirilib ki, hadisə nəticəsində vətəndaşın 10000 manat, 10000 dollar və 500 avro pulu alınıb.

Keçirilən tədbirlərlə dələduzluq əməlini törətməkdə şübhəli bilinən H.Ələkbərova saxlanılıb.

Araşdırma aparılır.