Bakıda özünə yüngül yanıq xəsarəti yetirən şəxslə bağlı rəsmi açıqlama

Hadisə

02 iyun, 2021
12:16

Bakıda özünə yüngül yanıq xəsarəti yetirən şəxslə bağlı rəsmi açıqlama

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bu gün Bakı şəhəri, Binəqədi rayonu Biləcəri qəsəbəsində özünü Qarabağ əlili kimi təqdim edən şəxsin özünü yandırmağa cəhd etməsilə bağlı paylaşımlar edilib.

Bununla bağlı mətbuatın sorğusuna cavab olaraq DİN Mətbuat Xidmətindən "Report"a bildirilib ki, qəsəbə ərazisində piyadaların hərəkət hissəsində yolu zəbt edərək, qanunsuz quraşdırılan küçə ticarəti piştaxtası yığışdırılan zaman Məhəmmədəli Hacıyev özünü yandırmağa cəhd edib. Bu cəhdin qarşısı alınaraq, o, dərhal yüngül yanıq xəsarətilə müvafiq xəstəxanaya çatdırılıb:

"Bu, onun birinci əməli deyil, dəfələrlə əlillik adından sui-istifadə edərək, belə hərəkətlərə cəhdlər göstərib".