Bakıda “Kamaz” 10 yaşlı uşağı vuraraq öldürüb

Bakı. 2 oktyabr. REPORT.AZ/ Bakıda “Kamaz” 10 yaşlı uşağı vuraraq öldürüb.

“Report” xəbər verir ki, hadisə Qaradağ rayonu, Qobustan qəsəbəsində qeydə alınıb.

Məlumata görə, 1992-ci il təvəllüdlü Vüqar Paşayev idarə etdiyi “Kamaz” markalı yük maşını ilə qəsəbə sakini 10 yaşlı Ayxan Hüseynovu vurub. Uşaq hadisə yerində ölüb.

Faktla bağlı cinayət işi başlanıb, araşdırma aparılır.