Ağstafada üçmərtəbəli yaşayış binasında yanğın olub

Ağstafa şəhərində üçmərtəbəli yaşayış binasında yanğın olub.

Bu barədə “Report”a Fövqəladə Hallar Nazirliyindən (FHN) məlumat verilib.

Qeyd olunub ki, üçmərtəbəli yaşayış binasının (mərtəbələrarası arakəsmə divarları taxta konstruksiyalardan ibarət) 2-ci mərtəbəsində ümumi sahəsi 80 m² olan mənzilin tavanı 5 m² sahədə, 3-cü mərtəbəsində ümumi sahəsi 70 m² olan mənzilin döşəməsi 2 m² sahədə və ümumi sahəsi 80 m² olan mənzilin döşəməsi 5 m² sahədə yanıb.

Hər üç mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.