"Yuventus" qapıçısı ilə müqavilənin vaxtını uzatdı - RƏSMİ

"Yuventus" klubu qapıçısı Voytsex Şesni ilə yeni müqavilə bağlayıb.

"Report"un Turin təmsilçisinin rəsmi saytına istinadən verdiyi xəbərə görə, polşalı qolkiperin sözləşməsinin müddəti 2024-cü ilə qədər uzadılıb.  

Qeyd edək ki, 2017-ci ilin yayından "Yuventus"da çıxış edən 29 yaşlı qapıçı bu komandada 84 rəsmi oyun keçirib. 

Şesni "qoca sinyora" ilə 2 dəfə İtaliya çempionluğunu, ölkə kuboku və Superkubokunu qazanıb. O, cari mövsüm A Seriyasında meydana çıxdığı 16 görüşdə qapısından 15 top buraxıb.

Elnur Salahov