Premyer Liqa: "Qəbələ" "Sumqayıt"a böyük hesabla qalib gəldi

Futbol üzrə Azərbaycan Premyer Liqasında XX tura start verilib.

"Report"un məlumatına görə, turun açılış matçında "Qəbələ" "Sumqayıt"ı qəbul edib.

Qəbələ şəhər stadionunda təşkil olunan qarşılaşma meydan sahiblərinin 5:0 hesablı qələbəsi ilə yekunlaşıb.

"Qəbələ"nin heyətində 34-cü və 89-cu (penalti) dəqiqələrdə Nikolas Raysel, 37-ci dəqiqədə Amin Seydiyev, 52-ci dəqiqədə Rövlan Muradov, 63-cü dəqiqədə isə İviça Juniç fərqlənib.

Bu nəticədən sonra 8-ci pillədə qərarlaşan "Qəbələ" 19-cu xalını qazanıb. 4-cü sıradakı "Sumqayıt"ın isə 23 xalı var.

Qeyd edək ki, günün digər matçında "Neftçi" "Sabah"la üz-üzə gələcək. Tura sabah keçiriləcək "Səbail" - "Zirə" və "Keşlə" - "Qarabağ" oyunları ilə yekun vurulacaq.