Marçello Lippi yenidən Çin yığmasının baş məşqçisi təyin olunub

İtaliyalı Marçello Lippi yenidən futbol üzrə Çin milli komandasının baş məşqçisi təyin olunub.

“Report” Çin Futbol Assosiasiyasının rəsmi saytına istinadən xəbər verir ki, 71 yaşlı mütəxəssislə 2022-ci ilə qədər müqavilə bağlanılıb.

Qeyd edək ki, Lippi bu ilin yanvarında Asiya Kubokunun 1/4 final mərhələsində İran yığmasına 0:3 hesablı məğlubiyyətindən sonra Çin yığmasından ayrılmışdı.