"Beşiktaş"ın futbolçusu Azərbaycan millisinin heyətindən kənarlaşdırılıb

Bakıda təlim-məşq toplanışında olan 21 yaşadək futbolçulardan ibarət Azərbaycan yığmasının heyətində dəyişiklik edilib. 

"Report" AFFA-nın rəsmi saytına istinadən xəbər verir ki, MOİK-dən Abbas Ağazadə və Türkiyənin "Beşiktaş" klubunda çıxış edən Hüseyn Seyliğli komandadan kənarlaşdırılıb. Səbəb kimi hər iki oyunçunun zədəli olmaları göstərilib. 

Qeyd edək ki, U-21 yığmasının toplanışı martın 26-dək davam edəcək. Milan Obradoviçin rəhbərlik etdiyi kollektiv toplanış zamanı martın 23-də "Səbail", 3 gün sonra isə MOİK-lə yoxlama oyunları keçirəcək.