Yuxarı

"Barselona"nın prezidenti: "Dembele Neymardan yaxşıdır"

​“Barcelona” klubunun prezidenti: Dembele Neymardan yaxşıdır

“Barselona” klubunun prezidenti Josep Mariya Bartomeu Usman Dembele ilə Neymarı müqayisə edib.

“Report” xarici mətbuata istinadən xəbər verir ki, Josep Mariya Bartomeu Dembeleni klub üçün vacib oyunçu olduğunu bildirib: “Dembele cavandır, talantlıdır və kluba təklif etməyə yeni nəisə var. Hesab edirəm ki, o Neymardan yaxşıdır. Dembelenin inkişafı hələ qarşıdadır və biz istəyirik ki, bu inkişaf “Barcelona” klubunda baş versin”.

Qeyd edək ki, Dembele Almaniyanın “Borussiya” (Dortmund) komandasından “Barcelona” ya 125 milyon avro müqabilində transfer olunub. Keçirdiyi 29 oyunda 8 qol vurub və 5 məhsuldar ötürmə edib. Futbolçu ilə klub arasında müqavilənin müddəti 2022-ci ilin yayına qədərdir.

Neymar isə “Barcelona” klubundan “PSJ”yə 222 milyon avroya transfer edilib. Ötən sezonda 28 dəfə yaşıl meydana çıxıb, 23 qol vurub və 13 məhsuldar ötürmə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi