AFFA-ya şübhəli oyunlarla bağlı bir neçə məktub daxil olub

Bakı. 27 dekabr. REPORT.AZ/ AFFA-nın şübhəli oyunlarla bağlı anonim e-mailinə bir neçə məktub daxil olub.

Bu barədə “Report”un sorğusuna cavab olaraq milli assosiasiyanın mətbuat xidmətindən bildirilib. Qeyd edilib ki, il ərzində şübhəli matçlarla bağlı AFFA-ya az sayda məktub daxil olub və hamısı araşdırılıb: “Lakin onların sayı, hansı subyektlərlə bağlı olduğu və məlumatın təsdiqini tapıb-tapmaması məxfi olduğu üçün açıqlaya bilmərik. Ümumilikdə, şübhəli oyunların sayı azalıb”.

Qeyd edək ki, danışılmış oyunlarla bağlı anonim e-mail bu ilin martında AFFA-nın XXV Hesabat Konfransında istifadəyə verilib.