AFFA-da Avropa çempionatının seçmə mərhələsində mübarizə aparacaq milli üzvləri ilə görüş olub

Bakı. 28 sentyabr. REPORT.AZ/ AFFA-nın Baş katibi Elxan Məmmədov bu gün 19 yaşadək futbolçulardan ibarət Azərbaycan yığmasının üzvləri ilə görüşüb.

“Report” milli assosiasiyanın rəsmi saytına istinadən xəbər verir ki, baş katib Avropa çempionatının seçmə mərhələsində mübarizə aparacaq milliyə uğurlar arzulayıb.

Qeyd edək ki, Azərbaycan millisi Avropa çempionatının ilkin seçmə mərhələsi çərçivəsində oktyabrın 3-də Türkiyə, oktyabrın 6-da İsveçrə, oktyabrın 8-də isə Kiprlə qarşılaşacaq. Yığmanın mübarizə aparacağı II qrupun oyunları Türkiyədə təşkil olunacaq.