“Viymsi Qarabağ” klubu minifutbol turnirində ikinci olub

Estoniyanın “Viymsi Qarabağ” futbol klubu 38 komandanın iştirak etdiyi minifutbol üzrə beynəxalq turnirdə ikinci olub.

“Report” xəbər verir ki, iyunun 15-də Latviyanın Baldone şəhərində baş tutan yarışa Polşa, Latviya, Litva, Finlandiya və Estoniyadan 38 komanda qatılıb.

“Viymsi Qarabağ” minifutbol komandası finalda Litva təmsilçisi “Taurus”a penaltilər seriyasında uduzaraq ikinci yeri tutub.

Qeyd edək ki, “Viymsi Qarabağ” hələ qrup mərhələsində “Taurus” ilə qarşılaşıb və rəqibini 3:0 hesabı ilə məğlub edib.