Venesuela millisi 72 yaşlı baş məşqçi ilə 5 illik müqavilə imzalayıb

Futbol üzrə Venesuela millisinin yeni baş məşqçisi bəlli olub.

"Report" xəbər verir ki, bu vəzifəyə Xose Nestor Pekerman gətirilib. 72 yaşlı mütəxəssislə 5 illik müqavilə imzalanıb.

Argentinalı baş məşqçinin yığmanın sükanı arxasında debütü 2022-ci il yanvarın 27-nə təsadüf edəcək. Həmin tarixdə Venesuela millisi Boliviyaya qarşı dünya çempionatının seçmə oyununa çıxacaq.

Qeyd edək ki, Pekermanın son iş yeri Kolumbiya yığması olub.