UEFA azərbaycanlı hakimlərə yeni təyinatlar verib

Bakı. 20 oktyabr. REPORT.AZ/ UEFA Azərbaycanın FIFA dərəcəli hakimlərinə yeni təyinatlar verib. "Report"un AFFA-nın rəsmi saytına istinadən verdiyi məlumata görə, Rəhim Həsənov Gənclər Liqasının “Saburtalo” (Gürcüstan) – “Mityulland” (Danimarka) oyununun baş hakimi olacaq. 

Ona Akif Əmirəli və Namiq Hüseynov kömək edəcəklər. Oyun oktyabrın 21-də Tbilisidə baş tutacaq. 

Orxan Məmmədov və Yaşar Abbasov isə 17 yaşadək futbolçulardan ibarət komandalar arasında Avropa çempionatının seçmə mərhələsinin 5-ci qrupunda keçiriləcək oyunlarda meydana çıxacaqlar. Bu qrupun oyunları oktyabrın 23-dən 30-dək Lüksemburqda təşkil olunacaq.