"Turan Tovuz"un akademiyasının komandalarına seminar keçirilib

“Turan Tovuz”un futbol akademiyasının U-19, U-17, U-16 və U-15 komandalarının üzvlərinə irqçiliyə qarşı mübarizə​ ​ilə bağlı seminar keçirilib.

"Report" xəbər verir ki, bu barədə Tovuz təmsilçisinin mətbuat xidməti məlumat yayıb.

Tovuz şəhər stadionunda keçirilən​ tədbirdə klubun akademiyasının koordinatoru Ülfət Mədətov, futbolda sosial məsuliyyət üzrə məsul şəxsi Elmir Musayev bu mövzuda​ mühazirə oxuyublar, maarifləndirici təqdimatlar ediblər.

Tədbirdə həyatın bütün sahələrində olduğu kimi, futbolda da irqçiliyə yer olmadığı vurğulanıb, bu mövzu ətrafında geniş müzakirə və fikir mübadiləsi​ aparılıb.​