Ronaldu kapitan sarğısını yerə atdı

Portuqaliya milli komandasının futbolçusu Kriştianu Ronaldu Serbiya ilə 2:2 hesablı heç-heçə etdikləri dünya çempionatının seçmə oyununda kapitan sarğısını yerə tullayıb.

"Report"un məlumatına görə, 36 yaşlı hücumçu 3-cü uzatma dəqiqəsində qolunun sayılmamasına etiraz əlaməti kimi bu addımı atıb. Onun zərbəsindən sonra serbiyalı müdafiəçi Stefan Mitroviç topu qapı xəttinin içərisindən çıxarıb. Portuqaliyalı futbolçular topun qapı xəttini keçdiklərini bildirsələr də, niderlandlı baş hakim Denni Makkeli "davam" qərarı verib.

Referinin qərarından qəzəblənən Ronaldu önündə sarı vərəqə görüb. Bundan sonra ulduz futbolçu kapitan sarğısını meydana çırpıb.

Qeyd edək ki, bu nəticədən sonra Serbiya və Portuqaliya hərəyə 4 xalla A qrupunda ilk 2 pilləni bölüşür. İlk turda Portuqaliyaya 0:1 hesabı ilə uduzmuş Azərbaycan millisi martın 30-da Serbiyanı qəbul edəcək.

A Cristiano Ronaldo no le convalidaron este gol que significaba la victoria de Portugal ante Serbia
El atacante tiró la cinta de capitán y se retiró del terreno. pic.twitter.com/XYKGbSb2XY

— Laura (@LauraaCuellar) March 27, 2021