"River Pleyt" 36-cı dəfə Argentina çempionu olub

Futbol üzrə Argentina çempionatının qalibi müəyyənləşib.

"Report"un məlumatına görə, XXII turda "River Pleyt" "Rasinq"i 4:0 hesabı ilə məğlub edib.

Buenos Ayres təmsilçisi qələbə sayəsində xallarının sayını 52-ə çatdırıb və sona üç tur qalmış çempionluğunu rəsmiləşdirib.

Tarixində 36-cı dəfə titula sahib çıxan komanda ən yaxın izləyicisi "Defensa i Xustisiya"nı 12 xal qabaqlayıb.