"Real"ın futbolçusu 12 oyuna qədər diskvalifikasiya oluna bilər

İspaniyanın "Real" (Madrid) klubunun futbolçusu Vinisius Junior 4-12 oyun arası diskvalifikasiya oluna bilər.

"Report" "Mundo Deportivo"ya istinadən xəbər verir ki, "Kral klubu"nun vingeri ötən gün La Liqanın XII turundan təxirə salınan matçda "Valensiya"nın qapıçısı Stole Dimitrievskini itələyərək yerə yıxıb.

Bu hərəkətinə görə birbaşa qırmızı vərəqə ilə meydandan qovulan 24 yaşlı oyunçunun cəzası yaxın günlərdə dəqiqləşəcək.

Qeyd edək ki, qarşılaşma 2:1 hesabı ilə "Real"ın xeyrinə başa çatıb.