"Qəbələ"nin sabiq baş məşqçisi: Heç bir klubla danışığım olmayıb

Heç bir klub və ya nümayəndə ilə danışıq, görüş gerçəkləşməyib.

Bunu "Report"a açıqlamasında "Qəbələ"nin sabiq baş məşqçisi Elmar Baxşıyev deyib.

43 yaşlı mütəxəssis hazırda gözləmə mövqeyində olduğunu bildirib: "Xeyirlisi nədirsə, o da olacaq".

Baxşıyev Premyer Liqanı daim diqqət mərkəzində saxladığını və bütün çempionat matçlarını izlədiyini vurğulayıb. O, sabiq klubu "Qəbələ" haqqında çox danışmaq istəməyib: "Sadəcə, komandaya uğurlar arzulayıram".

Qeyd edək ki, Elmar Baxşıyev 2019-cu ilin avqustundan "Qəbələ"nin "sükanı arxasında" olub. Cari il fevralın 24-də istefa verən mütəxəssis 2022/2023 mövsümündə komanda ilə Azərbaycan Kubokunu qazanıb. Baxşıyevi bu postda Kaxaber Tsxadadze əvəzləyib.