“Qəbələ” klubu qanalı futbolçu ilə yollarını ayırıb

“Qəbələ” klubu qanalı futbolçu Samuel Tetteh ilə yollarını ayırıb.

Bölgə təmsilçisindən "Report"a verilən məlumata görə, 28 yaşlı hücumçu ilə müqaviləyə qarşılıqlı razılaşma əsasında xitam verilib.

2023-cü ilin sentyabrından "Qəbələ"də çıxış edən S.Tetteh 25 matçda 3 qol vurub. O, Premyer Liqada 21 (2 qol), Azərbaycan Kubokunda 4 (1 qol) oyunda iştirak edib.