Premyer Liqada ötən ayın ən yaxşı futbolçusu bəlli olub

İngiltərə Premyer Liqasında noyabrın ən yaxşı futbolçusu müəyyənləşib.

"Report" xəbər verir ki, bu barədə turnirin mətbuat xidməti məlumat yayıb.

Bu ada "Brentford"un futbolçusu İqor Tyaqo layiq görülüb.

Braziliyalı hücumçu ötən ay 4 matçda 5 qol vurub.

Qeyd edək ki, o, səsvermədə Harvi Barns ("Nyukasl"), Kirnan Dyusberi-Holl ("Everton"), Ceremi Doku ("Mançester Siti"), Brunu Fernandeş ("Mançester Yunayted"), Morqan Qibbs-Uayt ("Nottinqem Forest"), Ris Ceyms ("Çelsi") və Deklan Raysı ("Arsenal") geridə qoyub.