"Neftçi"nin sabiq baş məşqçisi Rumıniya klubundan da ayrılır

"Neftçi"nin sabiq baş məşqçisi Laurentsiu Regekampf Rumıniyanın "Universitatya Krayova" klubundan ayrılır.

"Report" yerli "Fanatik" nəşrinə istinadən xəbər verir ki, 48 yaşlı mütəxəssis karyerasını Səudiyyə Ərəbistanında davam etdirəcək.

Adı açıqlanmayan klub onun müqaviləsinin ləğvi üçün 330 min avro ödəyib. Regekampf bu gün sözügedən ölkəyə yollanacaq.

Qeyd edək ki, 2022/2023 mövsümündə "Neftçi"də işləyən mütəxəssis iyulun sonlarında "Universitatya Krayova"nın "sükanı arxasına" keçmişdi.