"Neftçi"nin rəqibi Bakıya gəldi

UEFA Çempionlar Liqasının I təsnifat mərhələsinin cavab oyununda "Neftçi"nin qonağı olacaq Gürcüstanın "Dinamo" (Tbilisi) klubu artıq Bakıdadır.

"Report" xəbər verir ki, Tbilisi təmsilçisi az öncə Azərbaycan paytaxtına gəlib. Komanda Bulvar hotelində məskunlaşacaq.

Qeyd edək ki, "Neftçi" və "Dinamo" komandaları arasında cavab görüşü iyulun 14-də "Bakcell Arena"da keçiriləcək və saat 21:00-da başlayacaq. Tbilisidəki ilk oyunda "ağ-qaralar" 2:1 hesablı qələbə qazanıb.