"Neftçi"nin 4 futbolçusu "Araz-Naxçıvan"la oyunu buraxacaq

"Neftçi"nin 4 futbolçusu bu gün "Araz-Naxçıvan"a qarşı keçirəcəkləri Premyer Liqanın XXX turunun matçında iştirak etməyəcək.

Bu barədə "Report"a "ağ-qaralar"ın mətbuat xidmətindən məlumat verilib.

Bərpa prosesi keçən qapıçı Emil Balayevlə yanaşı, kəskin respirator virus infeksiyası diaqnozu ilə müalicə alan cinah müdafiəçisi Ömər Buludov bu oyunu buraxacaq.

Dizindəki ağrılarla bağlı müalicəsi davam edən digər qolkiper Aqil Məmmədov və fərdi hazırlıq keçən yarımmüdafiəçi Ataa Caber də meydana çıxmayacaq.

Qeyd edək ki, bu gün "Neftçi Arena"da oynanılacaq qarşılaşma saat 19:00-da başlayacaq.