Modriç "Real"ın heyətində ən çox mükafat qazanan futbolçu kimi tarixə düşüb

Xorvatiya millisinin yarımmüdafiəçisi Luka Modriç İspaniya təmsilçisi "Real"ın (Madrid) heyətində ən çox mükafat qazanan futbolçu kimi tarixə düşüb.

"Report" xəbər verir ki, o, buna "Kral klubu"nun heyətində Qitələrarası Kuboku qazanmaqla nail olub.

39 yaşlı futbolçunun madridlilərin heyətində əldə etdiyi mükafatların sayı 28-ə çatıb. Bununla da o, 27 mükafatı olan Dani Karvahalı qabaqlayıb.