​Messi İspaniya çempionatında yeni rekord müəyyən edib

Bakı. 8 dekabr. REPORT.AZ/ "Barselona" klubunun argentinalı futbolçusu Lionel Messi İspaniyanın futbol çempionatları tarixində yeni rekorda imza atıb.

"Report" xəbər verir ki, Messi komandasının "Espanyol" klubu üzərində 5:1 hesabı ilə qalib gəldiyi oyunda het-trik edib.

Argentinalı hücumçu bununla da, "Barselona"da bombardir hesabını 402-yə çatdıraraq, İspaniya futbolu tarixində bir klubun heyətində 400 qol vuran ilk futbolçu olub.