"Marsel"in yarımmüdafiəçisi "Qarabağ"la oyunu buraxacaq

"Marsel" komandası bu gün Fransada "Qarabağ"a qarşı keçirəcəyi Konfrans Liqasının ilk pley-off matçına futbolçu itkisi ilə çıxacaq.

"Report"un məlumatına görə, Valenten Ronjye cəza üzündən qarşılaşmanı buraxmalı olacaq. 28 yaşlı yarımmüdafiəçi Rusiya "Lomkomotiv"ini 1:0 hesabı ilə yendikləri Avropa Liqasının qrup mərhələsində VI tur matçının 80-ci dəqiqəsində ikinci sarı vərəqəni alaraq, meydandan qovulub.

Marseldəki görüşü buraxacaq Ronjye şans veriləcəyi təqdirdə, Bakıdakı cavab matçında forma geyinə bilər.

Qeyd edək ki, "Velodrom" stadionunda keçiriləcək "Marsel" - "Qarabağ" matçı saat 00:00-da başlanacaq.