“Mançester Yunayted” antirekorda imza atıb

“Mançester Yunayted” İngiltərə Premyer Liqasında bir mövsümdə məğlubiyyətlərin sayına görə antirekorda imza atıb.

“Report” xəbər verir ki, bu barədə “Sport24” məlumat yayıb.

Aprelin 20-də “Mançester Yunayted” doğma meydanda İngiltərə çempionatının XXXIII turunda “Vulverhempton”a 0:1 hesabı ilə məğlub olub. Yeganə qolu 77-ci dəqiqədə Pablo Sarabiya vurub.

Bu, “Mançester Yunayted”in Premyer Liqanın cari mövsümündə 15-ci məğlubiyyətidir. Komanda indiyə qədər heç vaxt bu qədər uduzmayıb.

Ruben Amorimin komandası 33 turdan sonra 38 xalla turnir cədvəlində 14-cü pillədə qərarlaşıb. Komandanın Premyer Liqa tarixində mövsümü ən az xalla başa vurmaq ehtimalı böyükdür. Belə ki, əvvəlki antirekord 58 xal olub.