“Mançester Siti” yeni rekorda imza atıb

"Mançester Siti" İngiltərə Premyer Liqasında ardıcıl 31-ci matçı məğlubiyyətsiz başa vuraraq klub rekorduna imza atıb.

"Report" xəbər verir ki, "şəhərlilər" bu nailiyyəti “Vulverhempton”la oyunda gerçəkləşdirib.

Görüş 2:1 hesabı ilə başa çatıb. Yoşko Qvardiol və Con Stounz dəqiq zərbələrlə fərqləniblər.

"Vulverhempton"un heyətində isə Strand Larsen yeganə qola imza atıb.

"Mançester Siti" növbəti turda "Sauthempton"la qarşılaşacaq. Görüş oktyabrın 26-da baş tutacaq.