Mahir Emreli "Nürnberq" klubunda növbəti oyununu keçirib, qarşılaşma heç-heçə yekunlaşıb

Azərbaycan millisinin futbolçusu Mahir Emreli Almaniyanın "Nürnberq" klubunda növbəti oyununu keçirib.

"Report"un məlumatına görə, 27 yaşlı hücumçunun çıxış etdiyi komanda II Bundesliqanın XIV turunda "Fortuna"nı (Düsseldorf) qəbul edib.

Qarşılaşma heç-heçə yekunlaşıb - 2:2.

Matça start heyətində başlayan Emreli 75-ci dəqiqədə əvəzlənib.

Qeyd edək ki, bu nəticədən sonra xallarının sayını 19-a çatdıran Nürnberq təmsilçisi 12-ci pillədə qərarlaşıb.