Lüksemburqun aparıcı futbolçuları millimizlə oyunu buraxa bilərlər

Lüksemburq seçməsi UEFA Millətlər Liqasının Azərbaycanla oyunu öncəsi ciddi itki ilə üzləşib.

"Report" "Wort.lu" saytına istinadən xəbər verir ki, yığmanın aparıcı futbolçularından Vinsent Till bu gün Almaniyanın III liqa təmsilçisi "Saarbrükken"lə yoxlama matçında (0:0) zədələnib.

20-ci dəqiqədə meydanı tərk edən hücumameylli yarımmüdafiəçinin sentyabrın 5-də Bakıdakı görüşdə oynayıb-oynamayacağı sual altındadır. 20 yaşlı oyunçu ilə yanaşı, portuqaliya əsilli Jerson Rodriqeş də xəstə olduğu üçün qarşıdakı matçı buraxa bilər.

Qeyd edək ki, C Liqasının 1-ci qrupunun ilk turunda sentyabrın 5-də Bakıda Lüksemburqu qəbul edəcək Azərbaycan millisi 3 gün sonra səfərdə Kiprin qonağı olacaq.