"Liverpul" 36 yaşlı futbolçusu ilə müqaviləni uzadıb

İngiltərə "Liverpul"u futbolçusu Ceyms Milnerlə yeni müqavilə bağlayıb.

"Report"un klubun rəsmi saytına istinadən məlumatına görə, müqavilə bir mövsüm üçün nəzərdə tutulub.

36 yaşlı yarımmüdafiəçinin hazırkı sözləşməsi iyunun sonlarında başa çatacaq. Onun yeni anlaşmadan ötrü maaşını azaltmağa razılaşdığı bildirilir.

Qeyd edək ki, Ceyms Milner "Liverpul" formasını 2015-ci ildən geyinir. Ötən müddət ərzində təcrübəli oyunçu İngiltərə çempionluğu, ölkə kuboku, Çempionlar Liqası, UEFA Super Kuboku, Liqa Kuboku və klublararası dünya çempionluğu əldə edib. Milner "Liverpul"da ümumilikdə 289 oyuna 26 qol vurub.