"Kəpəz" klubu Şamaxı şəhər stadionunun rəhbərliyi ilə əlaqə saxlayıb

"Kəpəz" klubu Şamaxı şəhər stadionundakı ehtiyat skamyaya dəymiş zərərə görə arenanın rəhbərliyi ilə əlaqə saxlayıb.

Bu barədə "Report"a "Şamaxı" klubunun mətbuat xidmətinin rəhbəri Yusif Hüseynov məlumat verib.

O, Gəncə təmsilçisinin bununla bağlı hər hansı etirazının olmadığını bildirib:

"Premyer Liqa oyununda ehtiyat skamyaya ziyan dəyib. Oyundan sonra AFFA nümayəndəsi görüb və qeyd edib. "Kəpəz" klubu artıq stadionun rəhbərliyi ilə məsələ barədə danışıb. Ciddi ziyan deyil".

Qeyd edək ki, Misli Premyer Liqasının XXXI turunda "Şamaxı" evdə "Kəpəz"i 2:1 hesabı ilə üstələyib. AFFA İntizam Komitəsinin qərarına əsasən, ehtiyat skamyaya dəymiş ziyan Gəncə təmsilçisi tərəfindən ödəniləcək.