İngiltərənin iki klubu "Qarabağ"ın sabiq qapıçısını istəyir

Bosniya və Herseqovina millisinin qapıçısı Asmir Beqoviç yenidən karyerasını İngiltərədə davam etdirə bilər.

"Report" "TalkSport"a istinadən xəbər verir ki, "Nottingem Forest" 36 yaşlı qolkiperi heyətinə qatmaq istəyir.

Bundan əlavə, İngiltərə Premyer Liqasına vəsiqə qazanmış "Luton Taun" da təcrübəli oyunçunun xidmətində maraqlıdır.

Qeyd edək ki, Asmir Beqoviç 2019/2020 mövsümünün ilk yarısını icarə əsasında "Qarabağ"da keçirib.