İngiltərə millisinin sabiq hücumçusu dünyasını dəyişdi

İngiltərə millisinin sabiq futbolçusu Pol Mariner dünyasını dəyişib.

"Report" yığmanın rəsmi saytına istinadən xəbər verir ki, veteran hücumçu 68 yaşında vəfat edib. Onun ölüm səbəbi açıqlanmayıb.

Qeyd edək ki, Pol Mariner 1977 - 1985-ci illərdə milli komandanın formasını geyinib. Yığmada 35 oyun keçirmiş forvard 13 qol vurub. O, ölkəsinin "İpsviç" klubu ilə 1978-ci ildə İngiltərə Kubokunun, 3 il sonra isə UEFA Kubokunun qalibi olub. Mariner "Arsenal" və "Portsmut" komandalarında da oynayıb.