Fariz Nəcəfov: "VAR sistemində boşluqların olmasını anlayışla qarşılayıram"

"VAR sistemi yeni tətbiq olunmağa başlayıb. Ona görə də müəyyən boşluqların olmasını anlayışla qarşılayıram".

Bunu "Report"a müsahibəsində "Qəbələ"nin prezidenti Fariz Nəcəfov "Sabah"a 0:2 hesabı ilə uduzduqları Azərbaycan Premyer Liqasının IV tur matçındakı mübahisəli penalti epizodu barədə danışarkən deyib.

44 yaşlı funksioner həmin epizodda görüntünün yaxşı olmadığını bildirib: "Ümid edək ki, tezliklə keyfiyyət artacaq və belə suallarla qarşı-qarşıya qalmayacağıq".

Qeyd edək ki, görüşün 35-ci dəqiqədə "Sabah"ın futbolçusu Abdulaye Ba əllə oynasa da, baş hakim Əliyar Ağayev VAR-da həmkarı ilə danışdıqdan sonra oyunu davam etdirib.

Fariz Nəcəfovun müsahibəsinin tam versiyasını buradan oxuya bilərsiniz.