Daha iki avstriyalı futbolçu Azərbaycan millisi ilə oyunu buraxa bilər

Avstriya yığmasının daha iki futbolçusu AVRO-2024-ün seçmə mərhələsində Azərbaycan millisi ilə keçiriləcək oyunu buraxa bilər.

“Report”un “Laola1” nəşrinə istinadən məlumatına görə, müdafiəçi Stefan Poş və yarımmüdafiəçi Aleksander Prass hələ də oynamağa hazır deyillər.

Hər iki oyunçu millinin son məşqində kollektivdən ayrı qalıb. Prass fərdi hazırlıqla kifayətlənibsə, Poş hoteldə qalıb.

Buna qədər Filip Linxart, Matias Honsak, Marko Arnautoviç və Aleksander Şlager zədə səbəbindən heyətdən kənarlaşdırılıblar. Kapitan David Alabanın da matçda iştirakı gözlənilmir.

Qeyd edək ki, martın 24-də Linzdəki “Raiffeisen Arena”da keçiriləcək Avstriya – Azərbaycan oyunu Bakı vaxtı ilə saat 23:45-də başlayacaq.