Bruney Futbol Assosiasiyasının prezidenti postundan qovulub

Bruney Futbol Assosiasiyasının (FABD) prezidenti Feysal Yusoff postundan qovulub.

"Report"un məlumatına görə, bu barədə qurumun mətbuat xidmətindən bildirilib.

F.Yusoffla bağlı fərmanı Bruney sultanı Həssənal Bolkia imzalayıb. O, ölkə qanunlarının pozulması əsası ilə vəzifəsindən azad edilib.

Qeyd edək ki, Bruney yığması noyabrın 15-də yoldaşlıq görüşündə Rusiyaya səfərdə 0:11 hesabı ilə məğlub olmuşdu.