“Bavariya”nın kapitanı ciddi zədələnib

Almaniyanın “Bavariya” klubunun qapıçısı və kapitanı Manuel Noyerin qabırğası sınıb və o, 2024-cü ildə meydana çıxmayacaq.

“Report” xəbər verir ki, bunu Münhen təmsilçisinin baş məşqçisi Vinsent Kompani deyib.

“Onun qabırğası sınıb və yəqin ki, bu il oynamayacaq. Əsas odur ki, o, indi sağalsın. Ümid edirəm ki, Manuel yanvarda bizə qoşulacaq”, - Kompani bildirib.

Noyerin 38 yaşı var, bu mövsüm “Bavariya”nın heyətində 19 oyun keçirib, onlardan 12-də top buraxmayıb. Qapıçı 2011-ci ildən “Bavariya”da çıxış edir.

O, komanda ilə birlikdə 11 dəfə Almaniya çempionu, 5 dəfə Almaniya Kubokunun, 2 dəfə Çempionlar Liqasının qalibi olub.