Azərbaycan Premyer Liqasında XII tura bu gün start veriləcək

Futbol
  • 20 noyabr, 2026
  • 09:01
Azərbaycan Premyer Liqasında XII tura bu gün start veriləcək

Misli Premyer Liqasında XII tura bu gün start veriləcək.

"Report"un məlumatına görə, birinci oyun günündə iki qarşılaşma keçiriləcək.

İlk olaraq "Zirə" səfərdə "İmişli" ilə üz-üzə gələcək. Yevlax şəhər stadionundakı matç saat 14:30-da start götürəcək. Bakı təmsilçisi 19 xalla beşinci, bölgə klubu 11 xalla səkkizinci pillədə qərarlaşıb.

Günün ikinci görüşündə "Sumqayıt" "Sabah"ı qəbul edəcək. Mehdi Hüseynzadə adına Sumqayıt şəhər stadionundakı oyun saat 19:00-da başlanacaq. Son ölkə çempionu 21 xalla ikinci sıradadır. "Kimyaçılar" 10 xalla doqquzuncudur. Hər iki kollektivin ehtiyatda bir oyunu var.

Misli Premyer Liqası

II dövrə

XII tur

20 noyabr (cümə)

14:30. "İmişli" – "Zirə"

Hakimlər: Cavid Cəlilov, Kamran Bayramov, Müslüm Əliyev, Nazim Abdullayev

VAR: Kamranbəy Rəhimov

AVAR: Kərim Zeynalov

Hakim-inspektor: Asim Xudiyev

AFFA nümayəndəsi: Seymur Səlimli

Yevlax şəhər stadionu

19:00. "Sumqayıt" – "Sabah"

Hakimlər: Elvin Bayramov, Asiman Əzizli, Zöhrab Abbasov, Vüqar Həsənli

VAR: Rəşad Əhmədov

AVAR: Rahil Ramazanov

Hakim-inspektor: İmanxan Sultani

AFFA nümayəndəsi: Məmmədəli Məmmədov

Mehdi Hüseynzadə adına Sumqayıt şəhər stadionu

Xatırladaq ki, Azərbaycan Premyer Liqasında XII tura noyabrın 22-də yekun vurulacaq.

44 filmi