Azərbaycan Basketbol Liqasında bu gün X tura bir oyunla start veriləcək

Azərbaycan Basketbol Liqasında bu gün X tura bir oyunla start veriləcək.

"Report" xəbər verir ki, 2025-ci ilin ilk görüşü "Sabah"la Naxçıvan" arasında baş tutacaq.

A qrupunun matçı Bakı İdman Sarayında, saat 19:00-da keçiriləcək.

Hazırda "Sabah" 17 xalla birinci pillədə qərarlaşıb. 14 xala malik "Naxçıvan" ikincidir.

Qeyd edək ki, turun digər oyunları yanvarın 9-u, 11-i və 12-də keçiriləcək.