Avstriya millisinin futbolçusu: "Avropa çempionatına vəsiqə qazanmaq başlıca məqsədimiz idi"

"Avropa çempionatına vəsiqə qazanmaq başlıca məqsədimiz idi".

"Report" xəbər verir ki, bunu Avstriya millisinin futbolçusu Marsel Sabitzer deyib.

Azərbaycan yığması ilə Bakıda keçirilmiş AVRO-2024-ün seçmə mərhələsinin oyununda penalti zərbəsini dəqiq yerinə yetirməklə komandasına 1:0 hesablı qələbə qazandıran hücumçu xoşbəxt olduqlarını bildirib: "Əlbəttə, oyunun taleyini daha əvvəl həll edə bilərdik. Amma Azərbaycan millisinin də şansları var idi. Qrupda birinci olub-olmayacağımız o qədər də vacib deyil. Əsas odur ki, qələbə qazandıq".

Qeyd edək ki, yer aldığı F qrupunda xallarının sayını 16-ya çatdıran Avstriya millisi Avropa çempionatının final mərhələsinə vəsiqəni rəsmiləşdirib.