AVRO-2024: Gürcüstan - Portuqaliya matçının ən yaxşı futbolçusu müəyyənləşib

Almaniyada təşkil olunan Avropa çempionatının F qrupunda III turun Gürcüstan - Portuqaliya matçının (2:0) ən yaxşı futbolçusu müəyyənləşib.

"Report" UEFA-nın mətbuat xidmətinə istinadən xəbər verir ki, Gürcüstan millisinin futbolçusu Xviça Kvaratsxeliya görüşün ən yaxşı oyunçusu adına layiq görülüb.

O, 2-ci dəqiqədə hesabı açıb.

Qeyd edək ki, Gürcüstan yığması ən yaxşı qrup üçüncüsü kimi 1/8 finala adlayıb.