"Arsenal"ın hücumçusu malyariyaya yoluxub

İngiltərə "Arsenal"ının qabonlu futbolçusu Pyer-Emerik Obameyanq milli komandanın düşərgəsindən qayıtdıqdan sonra xəstəxanaya yerləşdirilib.

"Report" "Goal" nəşrinə istinadən xəbər verir ki, buna 32 yaşlı hücumçunun Afrika Millətlər Kubokunun seçmə mərhələ oyunları zamanı malyariyaya yoluxması səbəb olub.

Təcrübəli forvard bu səbəbdən Çexiyada "Slaviya" (Praqa) klubu ilə Avropa Liqasının 1/4 final mərhələsinin cavab görüşünü buraxır.

Qeyd edək ki, hazırda qarşılaşmada ilk hissə oynanılır və qonaqlar 3:0 hesabı ilə öndədirlər.