Antuan Qrizmann kapitanlıq sarğısını ala bilmədiyi üçün Fransa millisindəki karyerasını sonlandırıb

Fransa millisinin hücumçusu Antuan Qrizmann kapitanlıq sarğısını ala bilmədiyi üçün yığmadakı karyerasını başa vurub.

"Report" "Telefoot"a istinadən xəbər verir ki, bu barədə Qrizmannın millidəki komanda yoldaşı Olivye Jiru məlumat verib.

Uqo Llorisin Fransa yığmasından gedişindən sonra baş məşqçi Didye Deşamın kapitanlıq sarğısını Kilian Mbappeyə həvalə etməsi Antuan Qrizmannın milli karyerasını sonlandırması ilə nəticələnib.

Qeyd edək ki, İspaniyanın "Atletiko" klubunun hücumçusu Fransa millisində ilk dəfə 2014-cü ildə debüt edib. O, "xoruzlar"ın heyətində 137 matçda 44 qol vurub.