UEFA prezidentindən AVRO-2020 açıqlaması

"Oyunların təhlükəsizliyini və bayram əhval-ruhiyyəsində keçməsini təmin etmək üçün təşkilatçı şəhərlər və yerli hakimiyyət orqanları ilə birlikdə səylə çalışdıq".

"Report"un məlumatına görə, bu fikirləri UEFA prezidenti Aleksander Çeferin AVRO-2020 ilə bağlı danışarkən deyib.

Sloveniyalı funksioner qitədə milli futbol bayramını qeyd etmək üçün bütün oyunlara tamaşaçıların buraxılacağından məmnunluğunu bildirib.

Qeyd edək ki, AVRO-2020 bu il iyunun 11-dən iyulun 11-dək keçirilməlidir. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.