AFFA rəsmiləri UEFA-nın tədbirinə qatılıblar

AFFA-nın VAR layihəsi üzrə koordinatoru Fəridə Lütfəliyeva və VAR təlimçisi Kristof Dierik Portuqaliyada UEFA-nın tədbirinə qatılıblar.

"Report" milli assosiasiyanın rəsmi saytına istinadən xəbər verir ki, “UEFA VAR simpoziumu” adlı tədbirdə əsas mövzular VAR-ın kommunikasiya sisteminin gələcəyi, gələcəkdə VAR-ın iş prinsiplərində dəyişikliklər, ilkin yaradılma məqsədi, əldə olunan uğurlar, üzləşilən çətinliklər, inkişaf istiqamətləri, oyun zamanı ardıcıl və şəffaf kommunikasiya qurmaqdan ibarətdir.

“UEFA VAR simpoziumu” tədbirinə aprelin 24-də yekun vurulacaq.