Yannik Sinner ardıcıl dördüncü "Masters" turnirinin qalibi olmaqla tarixi rekordu təkrarlayıb

Yannik Sinner ardıcıl dördüncü "Masters" turnirinin qalibi olmaqla ispaniyalı Rafael Nadal və serbiyalı Novak Cokoviçin nailiyyətini təkrarlayıb.

"Report"un xarici mediaya istinadən məlumatına görə, tennisçi Monte-Karloda keçirilən yarışın həlledici matçında ispaniyalı Karlos Alkarasa 7:6 (7:5), 6:3 hesabı ilə qalib gəlib.

O, bu nəticədən sonra dünya reytinqində birinci pilləyə yüksəlib. Bu, onun 2022-ci ildə Xorvatiyanın Umaq şəhərindəki yarışdan sonra qrunt örtüyündə qazandığı ikinci tituldur.

Qeyd edək ki, Y.Sinner "Masters" seriyalı turnirlərdə ardıcıl 22-ci matçından qələbə ilə ayrılıb.