Tacikistanlı MMA döyüşçüsü: "Bakıda hər şey yüksək səviyyədədir"

Tacikistanlı MMA döyüşçüsü Məhəmməd Nayimov Mütləq Döyüş Çempionatının (UFC) Bakıda keçiriləcək turnirinə yaxşı hazırlaşıb.

"Report"un məlumatına görə, idmançı bu barədə mətbuat konfransında məlumat verib.

O, avstriyalı rəqibi Boqdan Qradla görüşə hazır olduğunu bildirib:

"Düşünürəm ki, qalib gəlmək üçün ən yaxşılarla məşq etməlisən. Mən də yarışdan əvvəl belə etdim".

M.Nayimov ilk dəfə Bakıya gəldiyini söyləyib:

"Burada hər şey yüksək səviyyədədir. Düzü, belə olacağını gözləmirdim. Azərbaycan Tacikistana çox yaxındır. Ölkəmdən çox azarkeş gələcək. Vətənimdə də bu turnirin olmasını istəyirəm".

Qeyd edək ki, “UFC Fight Night” iyunun 21-də Bakı Kristal Zalında baş tutacaq.